دليل ديكارت على وجود الله (الحلقة الثالثة)

  • 10 - 07 - 2021
  • 328
-ديكارت يگول : آني إذا شكيت بكلشي ، فأكو شي واحد مستحيل أگدر أشك بيه ، وهذا الشي هو "شكي" ؛ يعني آني متأكد أني شاك ..

-حلو ، كمل بعد عمك ..

-بعدين ديكارت سأل روحه هذا السؤال : زين هذا الشك ، فد شي طاير بالهواء وما إله مكان ومصدر ينوجد بيه ؟ لو إله مصدر ؟

-خوش سؤال !

-فگال : حتما هذا الشك إله مكان ومصدر يجي منه ، وهذا المصدر هو "وجودي" فالشك دليل على كوني "موجود" ، ( أنا أشك "افكر" ، إذن أنا موجود ) ..

-ممتاز ، خوش مقدمة ، وبعدين ؟

-بعدين گام يستعرض الأفكار والتصورات الموجودة بعقله ، وبدأ يحاكمهه وحدة وحدة ، ويعزل الصح منهه عن الغلط ، ومن هاي التصورات : تصور شيء مطلق ولا نهائي ( يعني الله) ..

-كمل ..

-فگال : هذا التصور اللي هو "المطلق" ، " اللانهائي" ، الله" ، هذا التصور غير محدود ، وآني عقلي محدود ، فمنو اللي جاب هذا التصور (غير المحدود ، المطلق ، الله) وخلاه بعقلي "المحدود" ؟

-اي وشنو كان جوابه ؟

-گال : مستحيل عقلي يكون هو سبب وجود هذا التصور عن المطلق ؛ لأنو عقلي محدود ، فمايگدر يتصور شيء غير محدود ، إذن فلابد أن يكون سبب وجود هذا التصور بعقلي ، هو موجود كامل ومطلق ولا نهائي ، وهذا الموجود المطلق واللامتناهي هو "الله" ..

-بس "عبود دربنكة" أشكل على هذا الإستدلال وگال : هذا الإستدلال مو صحيح ؟

-شلون ؟! 

-يگول حجي "دربنكة" : التصور العقلي شيء ، والوجود الخارجي شي آخر ؛ يعني مثلا تصور النار بالعقل مو نفس وجود النار بالخارج ؛ لأنو النار الموجودة بالخارج تحرق ، بينما النار الموجودة بالعقل ماتحرق ، ولذلك التصور العقلي يختلف عن الوجود الخارجي للشيء ..

- مو واضح الإشكال ؟!

-يعني إن "تصور" الله بالعقل يعتبر ( هذا التصور ) شيء محدود ، وبالتالي يمكن أن يكون هذا التصور "المحدود" نابع من عقل الإنسان ؛ ولكن المطلق وغير المحدود هو وجود الله الخارجي والواقعي وليس الذهني أو العقلي ، وبالنتيجة : التصور الموجود في ذهن ديكارت عن الله هو من صنع عقل ديكارت ، لامن صنع الله ..

 

#والحمد لله ..

 

#الفيلسوف_ديكارت ( الحلقة الثالثة ) 

 

#باسم_الشبلاوي


اذا لم تظهر لك التعليقات فأعد تحميل الصفحة (F5)

مواضيع أخرى للناشر

العود.. الابدي عند نيتشة (الحلقة السادسة)

نيتشه عنده فكرة مهمة في فلسفته إسمها "العود الابدي" .. -شتگول هاي الفكرة ؟
......المزيد

نيتشة والسلطة (الحلقة الخامسة)

-يگول نيتشه : يجب أن يكون الحكم والسلطة بيد الطبقة الارستقراطية
......المزيد

مات الإله.. عند نيتشة (الحلقة الرابعة)

إنتقد نيتشه الدين بصورة عامة ، وإنتقد الدين المسيحي بصورة خاصة ..
......المزيد

نيتشة والمرأة (الحلقة الثالثة)

يگولون : نيتشه چان يكره النسوان كلش ، ويموت منهن ، إلى درجة إنو فد مرة گال عن النسوان :
......المزيد

السوبر مان او الإنسان الخارق عند نيتشة (الحلقة الثانية)

-يؤمن "نيتشه" بنظرية التطور مالت دارون ، ويؤمن أن الإنسان الحالي تطور من كائنات أدنى منه مرتبة ، وإنو التطور
......المزيد

نيتشة والقوة (الحلقة الأولى)

-"نيتشه" : هو فيلسوف ألماني من فلاسفة القرن التاسع عشر ، عنده مجموعة مؤلفات ، من أشهرها كتاب "هكذا تكلم
......المزيد

نقد فلسفة شوبنهاور (الحلقة الحادية عشرة)

-يمكن توجيه بعض النقود لفلسفة شوبنهاور مختصرة كالآتي :
......المزيد

المنفعة الشخصية والعامة عند هيوم (الحلقة التاسعة)

-يعتقد "هيوم" إنو الخير والفضيلة هو مايحقق اللذة والمنفعة ، وإنو الشر والرذيلة هو مايسبب الألم وعدم المنفعة ، هذا
......المزيد