(البحت)

  • 15 - 10 - 2021
  • 2073
يسولفون على وحده زعلت ويه رجلها ..راد منها الزلمة يمعودة اتعوذي الشيطان گول ما رضت تبقه ومن الصبح صرت اهديماتها وزعلت ونحرت لهلها ...

 

يوم يومين ثلاث گامت اتحوص وتسولف لامها شوفيه اشلون لا نشد لاگال امريتي خل اروح اردها ! امها گالتلها اذا اچه يردچ لا ترضين بساع لوعي گلبه اشويه ...

المهم وره خمس تيام ويه  مصيفران الشمس وهيه واگفه على التنور اتشنگلها بچار خبز وعينها مشبوحه  للدرب ولن هذا زلمتها يخط برجليه ..

گول كملت الخبز وسوتلهم عشه وشربو چاي . زلمتها سولف وياهه گالتله ابد ما ارد اوياك حرمص راد ما رهمت على اساس اتريد تضبط روحها اشويه گالها بكيفج وراح نام ...

بالليل گامت تحوص وبطلت الزعل وصار رايهه الصبح تمشي وياه .. امه گالتلها ارگدي ولچ اعوينت ابو اصلچ الصباح رباح ..

گول  كعدت  الصبح  تكحلت وتديرمت وسوتلهم ريوگ ( صينية بحت ) والعاده انو الدهنه الحرة يخلونها فوك البحت وبنص الصينية .

ابوها گالها بويه هذا فلان جاي آنه اگول اتردين لبيتچ وفريخاتچ وهو بعد مايزعلچ .

گالته.. 

بويه اني غير ساكته ما اسولف غير چوياته نابتات بگلبي  تره دگايگه وياي هوايه وهيه تسولف تخط باصبعه بالبحت وتعدد وحده منهن يشتمني والاخرى ايطگني والثالثه شالع گلبي ومرمرني بويه زلمه ماينحمل ..

ابوهه ذكي يتباوع لن هاي تخط بصابعها وخلت الدهنه ساحت كتر رجلها!!

 گالها...

بالبحت هاي شخوط عملاته طاحت

ذنبي اني وامج ليش دهنتنه ساحت

 بويه اذا بعد ذني السوالف رد وسواهن الا اخذچ منه واحوسه حوس ها اها ...وخبط بيده الدهن ويه البحت ..ويالله كومي لمي هديماتج  

هيه من شافت الحجي هچي صار خنست وگامت لمت غريضاتها وكورتهن فوك راسه وذنعبت وره زلمتها ......

 #نوال_جويد

مساكم الله بالخير


اذا لم تظهر لك التعليقات فأعد تحميل الصفحة (F5)

مواضيع أخرى للناشر

إعادة المعدوم... ممكنة لو مستحيلة؟؟؟

-اكو بحث مطروح بين الفلاسفة والمتكلمين (علماء العقائد) ، وهو : هل يمكن ان يعاد الشي المعدوم ام لا يمكن
......المزيد

(البحت)

يسولفون على وحده زعلت ويه رجلها ..راد منها الزلمة يمعودة اتعوذي الشيطان گول ما رضت تبقه ومن الصبح صرت اهديماتها
......المزيد

تجربة سجن ستانفورد

من أغرب التجارب في التاريخ في دراسة أثارت جدلا واسعا،
......المزيد

الوجود.. والماهية ؟؟!!

-كل شي بالدنيا إله جهتين : وجود وماهية ، مثلا السماء إلهه وجود وإلهه ماهية
......المزيد

العود.. الابدي عند نيتشة (الحلقة السادسة)

نيتشه عنده فكرة مهمة في فلسفته إسمها "العود الابدي" .. -شتگول هاي الفكرة ؟
......المزيد

نيتشة والسلطة (الحلقة الخامسة)

-يگول نيتشه : يجب أن يكون الحكم والسلطة بيد الطبقة الارستقراطية
......المزيد

مات الإله.. عند نيتشة (الحلقة الرابعة)

إنتقد نيتشه الدين بصورة عامة ، وإنتقد الدين المسيحي بصورة خاصة ..
......المزيد

نيتشة والمرأة (الحلقة الثالثة)

يگولون : نيتشه چان يكره النسوان كلش ، ويموت منهن ، إلى درجة إنو فد مرة گال عن النسوان :
......المزيد