الناس متلهفة على خدك وانته تاكل برتقال
اكو بيت شعري حافظته من الطفولة يگول
(الناس متلهفة اعلى خدك وانت تاكل برتقال)
طبعا شگد سألت وماعرفت الا من فترة بسيطة ان البيت للشاعر كاظم خبط ..يگول انه كان بيوم من الايام صاعد بسيارة رايح لمكان فگاعده گباله بنيه كلش حلوة بالطريق ولان الطريق طويل بين المحافظات مطلعة برتقالة من جنطتها ومگشرتها وتاكل هو باقي بس صافن على حلاتها وشلون تشيف البرتقال وتاكله انتبهت البنت اله گالته هاك گالها ماريد
لحت عليه گالها اخذ بس بشرط اسمعج شگلت عنج
گالت اسمع بس كون مو شي خادش للحياء
گالهه لا
فگال
إن چانّك ناوي إتدلّل
عمّي مو هيچ الدلال
الناس ملهوفة على خدّك
و إنته تاكل برتقال
مشوّه آنه وروحي خضرة
و مو ذنب لو بيك أعيل
بهيدة رمشك لا تشيله
صواب مابيّه ونحيل
و أشتهي وخوفي منّك
تاخذ الروح وتميل
خذني ماشة بطرف زلفك
لو كتاب بجنطتك
أحس بالدنيا إتّحرّك
من تحرّك شفّتك
أحس كل أيّامي تضحك
من أشوفن ضحكتك
يابو شامة و وجه صافي ،،
أصفى من ماي الزلال
الناس ملهوفة إعله خدّك
و إنته تاكل برتقال
نوال_جويد
صباحكم برتقال
