نيتشة والمرأة (الحلقة الثالثة)

  • 27 - 07 - 2021
  • 179
يگولون : نيتشه چان يكره النسوان كلش ، ويموت منهن ، إلى درجة إنو فد مرة گال عن النسوان : ( المرأة في جوهرها غير مسالمة )

 

 

- ، ومرة گال عن النسوان بأنهن : ( قطط وطيور وأبقار ) ، ويوصي الرجل اللي يريد أن يتقابل وي امرأة ويگوله : ( إذا ذهبت إلى إمرأة فلا تنس أن تأخذ معك صوطك ! ) ..

-عجيب ، بس اللي أدري بيه ، إنو نيتشه عنده أقوال يمدح بيهه المرأة ويقدرهه مثل : ( النساء يمتلكن الذكاء ، والرجال يملكون الشخصية والمنصب ) ، ويتحدث عن ذكاء المرأة ويگول : ( الغباء عند المرأة ليس من الانوثة ) ، وكذلك يصف حمل المرأة بأنه : ( حالة مقدسة ) ، وفي حاجة الرجل للمرأة يگول نيتشه : ( الدواء المؤكد للرجال ، عند شعورهم بالهوان ، هو عشق امرأة حساسة ) .. فشلون تريد تقنعني إنو نيتشه چان يكره النسوان ؟

-صحيح آني وياك ، في إن نيتشه عنده بعض الحچايات الزينة بخصوص المرأة ؛ بس ذني الحچايات مالهن قيمة أمام الحچايات الكثيرة الموزينة اللي يذم بيهن المرأة ، يعني غالبية كتاباته عن المرأة چانت سلبية ..

-زين ، شنو السبب اللي خله نيتشه يكره النسوان ويحتقرهن ؟

-أكو سببين لإتخاذ نيتشه هذا الموقف تجاه النسوان ، يمكن واحد منهن صح ، ويمكن إثنينهن صحيحات ، الله أعلم ..

-شنو هنه ؟

-أولا : فلسفة نيتشه اللي چانت تمجد القوة وتحتقر الضعف ، وبما أن المرأة كائن ضعيف -حسب نيتشه- فهي محتقرة لكونها ضعيفة ، ولذلك يگول : ( المرأة نصف البشرية الضعيف ، المضطرب ، المُتقلِّب ، المتلوّن ... إنها بحاجة إلى ديانة للضعف تقدس الضعفاء ، والمحبين ، والمتواضعين ، أو لعلها تحول القوي إلى ضعيف ، وتنتصر عندما تنجح في التغلب على القوي ... لقد تآمرت المرأة دومًا مع كافة صور الانحلال ضد الرجال "الاقوياء" ! ) ..

ثانيا : واحتمال يكون سبب كره نيتشه للنسوان ، هو علاقة الحب الفاشلة اللي مر بيهه ؛ فنيتشه چان يحب وحدة من طالباته اسمهه " لو سالومي " چانت مصدر سعادته ، ومركز مشاعره ، وچانت شاعرة وكلش حلوة ، فتقدم لخطبتهه ، بس هيه رفضته وتزوجت من شاب إسمه "شارلس إندرياس" ، وبالوداع الأخير وياهه ، حاول نيتشه محاولة أخيرة حتى ترضه بيه وماتعوفه ، فگام يبوس برجليهه ويحرمصلهه تحرمص ويگلهه : ( بروح موتاچ لاتعوفيني ? ) ، مع ذلك عافته "لو سالومي" بكل بساطة ولا مبالاة ، تاركة اياه فريسة للحزن والكآبة والمرارة ..

-اييييه ..لايابت الاوادم على هالدگة الناقصة ، زين وبعدين شصار ؟

-هذا الموقف أثر على نفسية نيتشة حيل ، بحيث گام يكره النسوان ويكره طاريهن ، وگام ينتقدهن بكتاباته ..

-يعني تريد تگول : إنو لازم نفرق بين حقيقة نيتشه ، وبين كتاباته بخصوص المرأة ؛ فنيتشه الحقيقي چان عاشق عظيم ، يقدس المرأة باعتبارها مصدر السعادة والطمأنينة والإلهام ، وأما كتاباته السلبية عن المرأة ، فما چان يقصد بيهه المعنى المذموم للمرأة ، بقدر ماچانت (كتاباته عن المرأة ) نوع من التنفيس عن المرارة ، اللي سببتهه إله بت الاوادم حبيبته "لو سالومي" ، مو صحيح ؟

-اي صحيح ..

 

والحمد لله ..

 

الفيلسوف_نيتشه ( الحلقة الثالثة )

 

باسم_الشبلاوي


اذا لم تظهر لك التعليقات فأعد تحميل الصفحة (F5)

مواضيع أخرى للناشر

العود.. الابدي عند نيتشة (الحلقة السادسة)

نيتشه عنده فكرة مهمة في فلسفته إسمها "العود الابدي" .. -شتگول هاي الفكرة ؟
......المزيد

نيتشة والسلطة (الحلقة الخامسة)

-يگول نيتشه : يجب أن يكون الحكم والسلطة بيد الطبقة الارستقراطية
......المزيد

مات الإله.. عند نيتشة (الحلقة الرابعة)

إنتقد نيتشه الدين بصورة عامة ، وإنتقد الدين المسيحي بصورة خاصة ..
......المزيد

نيتشة والمرأة (الحلقة الثالثة)

يگولون : نيتشه چان يكره النسوان كلش ، ويموت منهن ، إلى درجة إنو فد مرة گال عن النسوان :
......المزيد

السوبر مان او الإنسان الخارق عند نيتشة (الحلقة الثانية)

-يؤمن "نيتشه" بنظرية التطور مالت دارون ، ويؤمن أن الإنسان الحالي تطور من كائنات أدنى منه مرتبة ، وإنو التطور
......المزيد

نيتشة والقوة (الحلقة الأولى)

-"نيتشه" : هو فيلسوف ألماني من فلاسفة القرن التاسع عشر ، عنده مجموعة مؤلفات ، من أشهرها كتاب "هكذا تكلم
......المزيد

نقد فلسفة شوبنهاور (الحلقة الحادية عشرة)

-يمكن توجيه بعض النقود لفلسفة شوبنهاور مختصرة كالآتي :
......المزيد

المنفعة الشخصية والعامة عند هيوم (الحلقة التاسعة)

-يعتقد "هيوم" إنو الخير والفضيلة هو مايحقق اللذة والمنفعة ، وإنو الشر والرذيلة هو مايسبب الألم وعدم المنفعة ، هذا
......المزيد